Консултантската фирма Интербренд, дел од американската групација Омником, објави список на најсилните светски брендови. На списокот се открива дека втора година по ред, луксузот и модата го сочинуваат секторот најбрзорастечки – надминувајќи ја дури и технологијата – со просечна стапка на раст од 11%.
Најпопуларниот и најсилниот луксузен бренд во светот е Луи Витон, со проценета вредност од 32.223 милијарди долари, што е за 14% повеќе во однос на минатата година. Покрај тоа, Гучи е забележан како најбрзорастечки луксузен бренд во светот, со стапка на раст од 23%.
9. Прада – Проценетата вредност на брендот е 4,778 милијарди долари. Овој бренд се рангираше на 100-то место во вкупниот список на врвни светски брендови во 2019 година во сите индустрии.
8. Бурбери – проценета вредност на брендот од 5,205 милијарди американски долари, што претставува зголемување од 4 %. Овој бренд се рангираше на 96-то место на листата на најдобри светски брендови во 2019 година во сите индустрии.
7. Тифани и Ко. – Се рангираше на 94-то место на листата на најдобри светски брендови во 2019 година во сите индустрии. Има проценета вредност од 5,335 милијарди американски долари, но и стапка на раст од -5% во однос на вредноста на компанијата во 2018 година, кога се најде на 83-то место меѓу сите глобални брендови.
6. Диор, рангирана на 82-то место меѓу глобалните брендови во сите сектори оваа година, има проценета вредност од 6.045 милијарди американски долари, што е за 16% повеќе.
5. Картие – Иако Картие падна на едно место во генералниот пласман (од 67-та во 2018 година на 68-та оваа година), растот на компанијата не се намали.
4. Гучи – 33-та највредна глобална марка во сите сектори, со проценета вредност од 15.949 милијарди американски долари и стапка на раст од 23%, што ја прави најбрзорастечката луксузна марка.
3. Хермес – се рангираше на 28-то место на листата на највредните брендови во светот, со проценета вредност на брендот од 17,92 милијарди долари, што претставува раст од 9%.
2. Шанел – број 22 на списокот со највредни брендови ширум светот, проценети во вредност од 22.134 милијарди американски долари, со пораст од 11%.
1. Луи Витон – проценета вредност на брендот од 32.223 милијарди американски долари со раст од 14%. Затоа Луј Витон е највредниот луксузен бренд во светот и исто така 17-ти највреден бренд во светот во сите сектори.
ФОТО: Unsplash
МОЖЕБИ ЌЕ ВЕ ИНТЕРЕСИРА: Погледнете кои се брендови ќе ги има во Ист Гејт
