Стравот да се започне нешто ново, нешто свое, е секогаш присутен, особено кога се работи за започнување на свој сопствен бизнис. И така доаѓате до една препрека, а имате генијална идеја за која верувате дека биде супер успешна и ќе ви носи приходи, но сепак сеуште не велите да? За да избегнете вакво чувство следете ги овие 5 знаци кои ќе ви покажат дека сте подоготвени за сопствен бизнис.
1. Повеќе не ви се допаѓа работата која во моментот ја работите
Секоја работа има позитивни и негативни страни, но доколку секој ден на работа одите со лошо чувство време е да направите нешто за тоа прашање. И вие и вашиот работодавец ќе имате корист доколку го напуштите работното место за кое немате повеќе желба, бидејќи реално кога нешто работите без желба и како да сте принудени, тогаш не постигнувате големи резултати.
2. Разбирате дека успехот на работа не е загарантиран
Го прифаќате фактот дека вашата работа може да доживее неуспех. Разбирате дека и доколку ги преземете сите мерки за заштита, истражување, статистика, доколку направите помошни сценарија и ги проверите сите слаби точки, ризикот и понатака постои. Да не се споменува фактот дека и правно можете да одговарате или банкротирате.
3. Сте направиле истражување на пазарот
Имате нешто на ум и сте направиле многу истражувања. Сте направиле истражување на условите на пазарот. Сте пронашле одговор на прашањето дали има потреба за вашиот производ. Сте погледнале кои аспекти треба да ги поправите и сте ги проучиле конкурентите. Се занимавате со почетен капитал, кредити и позајмици.
4. Страствени сте кон својата идеја
Доколку планирате да започнете свој бизнис сигурно имате некоја идеја на ум. Успехот на вашите замисли ќе зависи од емоциите и пасијата која ја инвестирате во тоа. Само оние со голема визија, енергија и стремеж кон успехот ќе остварат големи резултати.
5. Имате добар тим на ум
Не можете сами да тргнете во претприемачките води. Без оглед дали станува збор за пријателите, семејството или колегите, морате да имате некој кој ќе ви помогне во започнувањето на бизнисот. Малкумина се оние кои постигнале сами големи работи, па затоа ви е потребна добра поддршка.
ФОТО: Unsplash
