Даниел Крег стана еден од најпосакуваните ликови на филмското платно. После првиот впечаток кога го назначија за нов лик кој ќе го глуми агентот Џејмс Бонд, кога сите беа скептични, сега тој е мега икона и симбол на џентлмените. И ќе се сложиме со тоа. Човекот од себе направи бренд. Заслужено.
Многумина од вас се прашуваат што носи Даниел Крег во последниот филм за Џејмс Бонд.
Во последното продолжение на Бонд, “No Time To Die” Даниел Крег ги промени своите дизајнери за костуми и ги зема Suttirat Anne Larlarb, уметничкиот директор кој работел на неколку култни проекти како Slumdog Millionaire, Steve Jobs и на филмот Американецот со George Clooney.
Но, неговиот стил не се менува така драматично. Тој сеуште ги носи омилените и препознатливи одела на Том Форд, сеуште ги носи чевлите на Crockett & Jones и сеуште го носи омилениот часовник Omega Seamaster, кој доаѓа во куќиште од нер’ѓосувачки челик, меш ремче, беж бројки. Класика.
Во ова продолжение за прв пат облака одело на Massimo Alba и тоа во една сцена, лесна јакна од Connolly ‘Guibbino’ кошула на Tommy Bahama ‘Catalina’ како и маица од Rag & Bone.
007 во ова продолжение носи 4 различни пара на очила. Во Лондон носи модел на Barton Perreira, во Јужна Италија или поточно во Матера носи рамки од Norton. Во Јамајка ќе го вивите со Vuarnet’s ‘Legend 06’. и во една сцена носи Vuarnet ‘Edge 1613’.
Последното издание на Џејмс Бонд светската премиера ја започна со рекордна заработка, а во Македонија се дава во кината на Синеплекс.
Затоа доколку не сте го погледнале сеуште, побрзајте, и не дозволувајте да ви го раскажуваат. Трае речиси 3 часа, но вреди секоја секунда која ќе ја потрошите за последниот Џејмс Бонд на Даниел Крег.
ФОТО: James Bond/007
МОЖЕБИ ЌЕ ВЕ ИНТЕРЕСИРА: Дали знаете колку заработува Даниел Крег од улогата во Џејмс Бонд?
