Активности кои можете да ги правите и во зима

Кардиоваскуларните вежби можат да бидат запоставени кога станува збор за тренирање за зголемување на мускулна маса и сила. Лесно е да комплетно да се насочиме само кон тренинзите кои ни влијаат директно на надворешниот изглед,  но да не заборавиме дека она што се случува внатре е многу важно. Силно, здраво срце е основата за добра здравствена состојба.

Ставање на фокус на вашето кардиоваскуларно здравје резултира со повеќе енергија во текот на денот, подобар пулс и работа на срце при одмарање и физичка активност и подобрени перформанси за време на било која активност и да се изведува. Затоа е важно да се фокусираме подеднакво на кардио делот како и на тежинскиот дел од нашата тренинг програма.

Кардио тренинг не значи дека треба да ви биде досадно и да поминувате часови на траката. Една од опциите кои овој вид на тренинг ги нуди е тоа што може да го изведувате и надвор на отворено без некоја особена опрема. Ако ви е досадно и монотоно  да бидете во затворен простор, овие 5 видови на активности кои може да се изведуваат надвор, да уживате во свежиот воздух, да апсорбирате сончеви зраци и да бидете фит.

Вежбањето е многу важо во зимскиот период кога поголемиот дел од денот го минуваме дома, и имаме намалување на спортските активности. Еве што да правите во изобилие.

1.ТРЧАЊЕ ПО СКАЛИ

Правете 5 повторувања од:

  • Трчање по скали нагоре
  • Трчање по скалите надоле до почетокот

Ова е перфектен тренинг за ефективно трошење на многу калории кој е докажан многу пати, особено за зголемување на издржливоста и е меѓу подобрите начини како да ги таргетирате мускулите на задникот (глутеусот). Ова е симулација на степерот кој може да се најде во фитнес центрите и неслучајно токму таа справа е избор на многумина кои сакаат да се спремаат за бодибилдинг и фитнес натпревар.

Покрај тоа што е кардио вежба, ова исто така ефективно ги таргегира квадрицепсите, абдоменот, торзото; со трчањето надоле се активира задната ложа.

Трчајте по скалите 5 минути без пауза, потоа одморете 45-90 секунди и повторете го ова уште 4 пати.

2. СПРИНТОВИ ПО УГОРНИНА

Направете 5 рунди од:

  • Трчање по угорнина/рид
  • Пешачење надолу

За спринтовите по угорнина, одлучете која дистанца сакате да ја истрчате со спринт и потоа најдете ја соодветната угорнина/рид која ќе ви одговара. Ако правите кратки, високо интензивни спринтови, барајте кратка и стрмна угорнина. Доколку правите подолги спринтови со помал интензитет,  тоа значи дека треба да барате подолги и поблаги стрмнини.

3. ПЛАНИНАРЕЊЕ

Одберете рута за планинарење и правете 5 рунди од:

  • Спринт на секоја угорнина/рид
  • Џогирање/пешачење на секоја рамнина

Ако трчањето не ви е омилено, тогаш одберете го планинарењето. Иако на почетокот може нема да биде интензивно како трчањето, можете да извлечете одличен тренинг од долготрајно планинарење. Додатен бонус – тоа што сте надвор на отворено, ви прави дистракција од моменталниот замор и тешкотијата која потенцијално ќе ја чувствувате.  Поставете си цел да направите барем 5 спринтови, зависно од рутата која сте ја одбрале за планинарење и тоа колку угорнини има.

4. ВОЗЕЊЕ НА ВЕЛОСИПЕД

Направете 5 рунди најбрзо што можете од:

  • Возење најбрзо што можете во 5 минути временска рамка (зависно колкава е вашата моментална спремност, со интервали на побрзо и поспоро во тие 5 минути)
  • Пауза од 1-2 минути возење со нормална, ниска брзина

Постојат многубројни велосипедски тури за време на летните месеци кои се одвиваат во рамнински и планински предели, па доколку имате велосипед – зашто да не пробате ваков вид на тренинг за промена. Иако возењето велосипед може да биде речиси исто со возење на велосипед во фитнес центар во однос на фитнес бенефитите кои ги нуди и интензитетот, она што е предноста на возењето на велосипед надвор е погледот кој може да го имате, кој овозможува повеќе да уживате додека ја изведувате вашата активност.

5. “ЛОВ НА ВЕЖБИ”

Направете во следното:

  • Мапирајте рута (пат кој често го пешачите, трчате или планинарите)
  • Одберете 5-10 вежби (склекови, burpess, стомачни, чучање, squat jumps)Означете ги на одреден дел од вашиот пат по кој ќе ја изведувате оваа активност (на пример – клупа, карактеристично дрво, светилка). Започнете ја рутата. Секој пат кога ќе забележите нешто кое сте го означиле, направете 10 повторувања од тоа движете. На пример, ако сте означиле “склекови” кога ќе сретнете клупа на патот, направете 10 склекови регуларни или со нозете кренати на клупа. Идеално за ова да го изведете е Градскиот парк или локалниот ваш парк кој што нуди соодветни услови.

ФОТО: Unsplash

МОЖЕБИ ЌЕ ВЕ ИНТЕРЕСИРА: Вежбањето ве прави попаметни… мит или вистина?

Leave a Reply

Your email address will not be published.