Честопати знаеме да слушнеме дека некои луѓе коментираат: „не е се’ во парите“. Тоа во голема мера е точно. Не можам да кажам дека овие луѓе грешат, факт е дека има многу поважни работи од парите, но парите ни се потребни за да имаме полесен живот. Според мене парите најважни се бидејќи овозможуваат комодитет – со парите можеш да си го олесниш целиот живот.
Пишува: Боемот 2.0
Но, многу луѓе грешат бидејќи ги гледаат парите како крајна цел. Парите не се цел, туку средство. Овозможуваат со нив да направите уште повеќе пари, а со тоа да си приуштите повеќе задоволства. Немам премногу искуство на темава, но од она што читам сега за сега паметно менаџирам. Освен што штедам, паметно инвестирам и секој месец вложувам во ралични работи почнувајќи инвестирање во себе – личен развој. Не се плашете од инвестиции, не се плашете од претприемништвото. Не е се’ во парите, но поубаво да ги имате.
Не ми се доапаѓаат југословенските приказни дека парите се непотребни, „парите се за суровите капиталисти” и слично. Јас немам љубов кон парите туку тие ми се средство за повисоки цели. Парите можат да ви служат, парите можат да работат за вас, но вие мора да знаете да менаџирате. Доколку го смените вашиот пристап кон парите и финансиите и сфатите дека тие не се крајна цел, туку средство ќе имате поуспешен пристап.
