„The Distinguished Gentleman’s Ride“ – настан кој веќе 11 години се одржува во светски рамки оваа недела се одржа и во Скопје по седми пат во низа. Во организација на џентлменските мото клубови овој настан одново ги наполни скопските улици со класичните моторцикли и беше вистинска артакција за жителите на главниот град.
Во елегантни костуми и со одличен аутфит моторџиите продефилираа по скопските улици. Овој настан е спој на хуманитарните вредности, добриот стил и љубовта кон моторциклите. Пред се, најважно е да се подигне свеста кај јавноста за машкото здравје и борбата против ракот на простата. Станува збор за настан кој е дел од глобалното хуманитарно движење „Возењето на истакнатите џентлмени“, кое се одржува во чест на машкото здравје.
Нашата екипа веќе еднаш има правено интервју со Игор Стефановски којшто е организатор на овој настан, а тоа интевју од 2020-та година може да го погледнете ТУКА.
