Една од најважните работи кај секое момче е да има блискост со својот татко. Улогата на машки родител има големо влијание во неговиот живот, па затоа секој татко треба да проба да издвојува повеќе време за својот син.
Доколку мислите дека не поминувате доволно време со вашиот син, еве неколку едноставни и евтини предлози како да поминете време со него. Ние ќе ви предложиме неколку работи, а активноста што ви одговара можете да ја претворите во традиција која долго ќе ја негувате.
- Играње фудбал
Забавна активност во која ќе уживате и двајцата. По едноставни правила исполнети со физичка активност, вам ви треба само фудбалска топка и малку простор. Децата уживаат во ваквиот тип забавно исполнување на времето.
2. Играње со автомобил кој се управува рачно
Машките деца обожаваат игри со автомобили. Па, така сè попопуларно стануваат детските автомобили кои се управуваат со далечински управувачи. Со ваквите детски игри вие кај вашите деца може да ја всадите љубовта кон автомобилите уште од најмали нозе.
3. Одржување автомобил
Како што рековме и погоре, автомобилите се страст на децата уште од најмлади нозе. Па така можете да им дадете на децата да помогнат во одржување на истиот, а наједноставната работа за автомобилите е перењето. Низ игра и смеа, ова ќе биде забавно за секое дете.
4. Ловење риба
Децата уживаат во активностите покрај вода, а ловењето риба е искчително забавно за нив. Овде, не станува збор за професионално ловење риба туку најосновни активности кои ќе бидат забавни за вашето дете.
5. Работи и поправки во домот
Ако треба да извршите некоја активност додека сте дома, викнете го вашиот син да ви биде помошник. Низ едноставни работи како да ви го подаде соодветниот алат, да ви донесе одредена работа, ова може да биде интересно за сите страни.
6. Готвење
На децата предизвик им е секоја работа поврзана со храна. Дозволете им да помогнат па дури и да згрешат бидејќи тоа ќе биде примамлива активност за нив, а така може многу да се зближат со вас.
7. Возење велосипед
Возењето велосипед е една од основните работи преку кои најмногу може да се дружат татко и син. Посетете ги најблиските паркови и не давајте превисоки цели. Оваа активност можете да ја спроведете и со останатите членови од вашата фамилија.
8. Навивање на спортски натпревари
Спортските натпревари се страст за целото семејство. Малите дечиња обожаваат да навиваат. Сѐ што треба да направите е да купите влезници и да имате добро расположение за навивање.
9. Кампување
Внимателно изберете локација и поминете една ноќ со вашата фамилија во природа. Зборувајте за екологијата и сличните теми кои може да се интересни кај вашето дете.
10. Играње игри на компјутер
Со развојот на технологијата, сѐ повеќе се играат игри на компјутер. Ова не е сјајна активност, но по напорниот работен ден нема ништо подобро од ова. Одберете игри кои се прикладни за вашето дете.
