Што мислите, дали побрзо се старее со јадење благо? Дали шеќерот е убиец на луѓето?
Уживате во омилените слатки и не се осврнувате на советите од нутриционистите, и тоа е во ред.
По некој килограм горе-долу, тоа можеме да го прифатиме. Меѓутоа, шеќерот добиен по индустриски пат, а консумиран во големи количини, доведува до тоа нашиот организам да е во постојана опасност да потклекне пред бактериите и вирусите. Од друга страна, кога веќе сме болни, кога внесуваме поголема количина шеќер, организмот не се фокусира на борбата со бактериите, туку настојува да се ослободи од шеќерот. Сето тоа го знаеме, но дали знаевте дека побрзо старееме ако често јадеме слатки?
Тоа е веќе нешто што ни е тешко да го прифатиме. Со оглед на тоа колку се обидуваме да го негуваме своето лице и тело за да одржиме младешки изглед, нешто толку “безопасно” како што е крофна, кутија со бисквити, сладолед или омиленото чоколадо, навистина не треба да ни ја отежнува работата, нели?
Најлошиот непријател на нашето здравје е секако шеќерот. Прекумерната количина на истиот доведува до дебелина, проблеми со крвната слика, побрзо стареење, мрсна кожа и коса, но и до одреден вид зависност. Како алкохолот и цигарите, шеќерот е активатор на нашето добро расположение. Сетете се само колку и најмалиот внес на слатки во организмот го подобрува расположението. Тоа е пред се поради тоа што шеќерот влијае на активноста на мозокот.
Секој пат кога јадеме нешто слатко, нашиот мозок го памти ова искуство како пријатно и бара повеќе. А, бидејќи имаме тенденција да му угодуваме, обично посегнуваме за дополнителен шеќер. Со самото тоа количината која пред некое време беше доволна да нè направи да се чувствуваме задоволни, сега значително се зголемила и има забрзана тенденција на раст.
Денес, многу е тешко да се избегне индустрискиот шеќер, дури и кога сакаме да јадеме поздраво, затоа што тој во најголем дел се наоѓа во повеќето храна која ја конзумираме. Сепак, доколку наменски избегнуваме храна како што се чоколади, бонбони, бисквити, лижавчиња, итн., односно ако ги замениме со овошје, во голема мера ќе ја намалиме нашата дневна потреба за шеќер.
ФОТО: Unsplash
МОЖЕБИ ЌЕ ВЕ ИНТЕРЕСИРА:Додатоците во исхраната можат да направат повеќе штета одошто корист
