Веројатно ви се случило барем еднаш да видите празно седиште во авионот, на пример, до прозорецот, но стјуардесата не ви дозволила да го смените седиштето.
Дури и да видите празно место во авионот, подобро е да не го менувате вашето. Причината не е нејзината нетрпеливост кон вас, туку нешто сосема друго.
Имено, американскиот пилот Дарен Патерсон открил дека распределбата на тежината на патниците е клучна и за време на летот, бидејќи тоа влијае на стабилноста на авионот. Ова е особено точно за помалите авиони.
– За авионот да остане балансиран, од моментот на полетување до слетување, потребно е да се води сметка за вкупната тежина и неговата распределба – наведува пилотот и додава дека дури и движењето на едно лице за време на летот може да да се почувствува.
Многу патници мислат дека тежината не може да влијае на летот на кој било начин, но формулата за стабилност на авионот го зема предвид горивото што се троши за време на летот, што влијае и на центарот на гравитација. Доколку се биде како што треба, односно според планот и програмата, рамнотежата на авионот нема да биде нарушена. Патерсон го споредува овој факт со две деца со приближно еднаква тежина на клацкалка.
Додека некои авиони имаат софтвер кој пресметува како се распределува тежината, другите авиокомпании го прават тоа рачно, оставајќи им на стјуардесите да контролираат како седат патниците.
– Колку е помал авионот, толку подраматична може да биде нерамнотежата – рекол пилотот.
Затоа, доколку стјуардесата не ви дозволи да го смените седиштето, не инсистирајте, туку препуштете ги правилата на домаќините на летот.