Книгите се добро друштво за време на летните горештини, особено се практикува читањето книги на плажа бидејќи моќта на забележување на деталите е најголема токму кога човекот е најопуштен.
Мажите избраа своја хит летна книга, истото го направија и жените. На анкетата што ја спроведовме убедливо се издвоија две книги. Едната од категорија хит машка книга, а другата од категорија хит женска летна книга.
- Хит машка летна книга
Мажите ја избраа книгата „Марсовецот“ од Енди Вир. Книгата привиче особено големо внимание поради филмот „Марсовецот: Спасувачка мисија“ со Мет Дејмон во главна улога.
Станува збор за остроумна, духовита и напната приказна за Марк Ватни, астронаут од мисиjата Арес, кој во еден сплет на несреќни околности останува на Марс. Посадата од неговиот брод е убедена дека Марк загинал на Црвената Планета.
Но, Ватни одлучува да не се предава…
Мажите се одлучија токму за оваа приказна бидејќи е од омилениот машки жанр – научна фантастика.
Според рецензијата на New York Times: „Кога двајца луѓе кои не се познаваат меѓусебе ви препорачаат иста книга, нема сомнеж дека треба да и обрнете внимание. Одлична книга, врвот во својот жанр.“
- Хит женска книга
Жените ја избраа книгата „Последниот дамин гамбит“ од Волтер Тевис. Паралелно на книгата достапна е и серијата за извонредна шахистка која се соочувала со голем притисок од општеството поради специфичниот избор на професија, која дотогаш се сметала за исклучиво машки спорт.
Книгата е посветена на генијалната шахистка Бет Хармон која имала тешко детство во сиропиталиште, но нејзиниот тален во подоминатите години и донел голема слава.
Жените ја избраа оваа книга бидејќи ги инспирира на успех!
© Gentlemanmagazine Фото: Unsplash.com
