Со цел да се фотографираат за социјалните мрежи доаѓаат туристи од целиот свет но овој канал нема таква намена.
Солената пустина Боневил во северозападна Јута веќе неколку години е хит меѓу туристите во САД.
Инаку тоа е прекрасна област долж Големото Солено Езеро – најголемото природно солено езеро на Западната хемисфера.
Интересот на туристите за оваа област се зголеми во последната година откако на интернет се појавија фотографии од синиот канал.
Неодоливата боја на водата во каналот за разлика од белата средина создава совршена сцена за фотографија, особено за социјални мрежи.
Иако истражувањето на необични и скриени места е омилена активност на светските патници, сепак е важно да се почитуваат правилата на локалното население.
Синиот канал е делумно на приватна сопственост – има знаци што забрануваат задржување насекаде – и не треба да се посетува без претходно одобрувањe.
Покрај тоа, треба да знаете дека каналот не е природен феномен, туку вештачки направен за индустриски цели.
Имено, локалната компанија Intrepid Potash го користи каналот како дренажен ров во процесот на вадење минерали.
Иако водата не е отровна, таа не е наменета за капење.
Исто така, локалните власти предупредуваат дека некои делови од синиот канал може да бидат нестабилни, што значи дека може да се срушат.
Сепак да се остане тука не е добра идеја, дури и по цена да се направи совршена фотографија за Инстаграм.
© Фото: Unsplash.com
Можеби ќе ве интересира:
