Една англиска поговорка вели: „Појадувај како крал, ручекот подели го со пријателите, а вечерата препушти им ја не напријателите“.
Појадокот треба да е најобемен, најсодржаен, најразновиден и најкалоричен од сите оброци во текот на денот, а комбинацијата на намирници има голема улога.
Важно е и што јадете, а не колку јадете. Затоа ви препорачуваме примерок од појадок кој ќе ги задоволи вашите калориски потреби, но и ќе ви даде „порција здравје“.
Како да подготвите кралски појадок:
- 1 авокадо
- 2 јајца
- 100 грама палента
- лимета
- зачини по желба
- маслиново масло
Начин на подготовка:
Скршете ги јајцата и изматкајте ги. Подгрејте малку маслиново масло во тава за пржење и додадете ги јајцата. Зачинете со вегета и бибер.
Кога ќе се направи кајгана тргнете од оган и додадете во тањир за сервирање.
Авокадото исецкајте го на ситни парчиња и сервирајте го како гарнир. Зачинете со сол. Лиметата исцедете ја и додадете ја на парчињата од авокадо заедно со малку маслиново масло.
Палентата подгответе ја во вода со малку зачини и маслиново масло и сервирајте ја како гарнир.
Бенефит:
Овој кралски појадок претставува совршен сооднос на калории – јаглехидрати кои брзо се варат и се добри за дигестивниот систем (палента), на протеините (од јајцата) и на „добрите масти“ од авокадото.
Покрај нутритивните вредности, овие намирници се богати со минерали и витамини.
© Gentlemanmagazine Фото: Unsplash.com
Можеби ќе ве интересира: